Skolið byggið vel og látið vatnið renna vel af.  Skolið gulræturnar og skerið í þykka bita. Saxið lauk smátt, hvítlauk og steinseljuna.  Hitið olíuna og fituna í potti eða djúpri pönnu,  mýkið laukinn í nokkra stund og brúnið grænmetið.  Bætið hvítlauknum við sem og bygginu, steikið í nokkrar mínútur. Hellið víni saman við og látið gufa upp. Smakkið til með salti. Hellið tveimur ausum af sjóðheitum kraftinum út í og látið gufa upp á milli þess sem vökva er bætt í, hrærið vel í af og til.  Þegar byggið hefur kraumað í 10 mín. bætið kryddjurtum saman við og sjóðið áfram í um 5 mínútur. Þegar byggið er soðið, bætið þá smjörklípu út á pönnu og blandið vel saman. Kryddið með ferskum pipar rétt áður en rétturinn er borinn fram og skreytið ferskri steinselju. Tilvalið er að setja annað hráefni ofan á byggið áður en rétturinn er lagður á veisluborðið.