Móðir Jörð í Vallanesi leitar að starfsfólki, um er að ræða fjölbreytt störf í fallegu umhverfi og alþjóðlegu starfsumhverfi þar sem ræktun, fullvinnsla og ferðaþjónusta tvinnast saman.   Möguleiki er á húsnæði á staðnum.  Umsóknir skal senda á info@vallanes.is.

Starfsfólk í vinnslu og pökkun;

Við leitum að starfsfólki í pökkun, almenna matvælaframleiðslu og þrif.  Við leitum að ábyrgu og vandvirku fólki með metnað fyrir gæðum og góðri vöru, sem á auðvelt með að vinna með öðrum.  Hlutastörf koma einnig til greina. Ensku kunnátta er æskileg.

Störf við matseld og þjónustu á veitingastað

Við leitum að starfsfólki til að annast matseld fyrir kaffihús og veitingastaðinn Asparhúsið í Vallanesi í sumar.  Í Asparhúsinu í Vallanesi er rekinn grænmetisveitingastaður sem byggir á afurðum sem ræktaðar eru á staðnum og fjöldi ferðamanna heimsækir á hverju ári. Menntun og/eða reynsla á sviði matreiðslu er skilyrði og/eða reynsla af grænmetisfæði. Viðkomandi þarf að hafa gæði og heilsu í fyrirrúmi, sem og þjónustulund og góða enskukunnátta.

Við leitum einnig að starfsfólki til að veita þjónustu í sal og í verslun okkar í Vallanesi.  Hæfni í mannlegum samskiptum er skilyrði og starfsreynsla af sambærilegum störfum er æskileg. Gerð er krafa um góða enskukunnáttu.

Starf í jarðrækt

Við leitum að starfsmanni í árstíðabundið verkefni  sem tengist lífrænni akuryrkju, korn- og grænmetisræktun.  Viðkomandi þarf að hafa réttindi á vinnuvélar og reynslu við notkun landbúnaðarvéla.  Tímabil er apríl – október.  Starfið gæti einnig hentað fyrir nema í verk- eða starfsnámi.

Starf við grænmetisræktun

Við leitum að starfsmanni í ræktun og umsýslu með fjölbreytt úrval af grænmeti og jurta sem ræktað er í lífrænni ræktun okkar í gróðurhúsum og í útiræktun.  Viðkomandi þarf að hafa ástríðu fyrir ræktun og umhverfi sem og hæfileika til að vinna með fólki. Starfið er fjölbreytt og felur í sér samskipti við viðskiptavini og verkefni tengd vörustýringu, sölumálum o.s.frv.

Ferilskrá ásamt umsókn sendist á info@vallanes.is fyrir 10. febrúar. 

Fylgist með Móður Jörð á Facbook og Instagram.