Kaffihús og verslun Móður Jarðar er staðsett í húsi sem byggt er úr viði úr skógrækt staðarins og við nefnum Asparhúsið. Þar eru í boði lífrænar heilsuvörur og grænmetisréttir sem framleiddar eru á staðnum úr íslensku hráefni, sem og ferskt grænmeti. Í Vallanesi er boðið upp á hlaðborð með grænmetisréttum í hádeginu úr fersku, íslensku og útiræktuðu grænmeti. Frá 20. ágúst og út september er opið þriðjudaga - laugardaga frá kl 11-16.

MORGUNMATUR

Gistingu í Vallanesi fylgir morgunmatur sem byggist á því heilkorni sem ræktað er á staðnum.  Við leggjum áherslu á uppskriftir sem lifað hafa með starfseminni til fjölda ára, morgungrautur, gróft brauð og annan bakstur úr íslensku korni.

HÁDEGISMATUR

Hádegisverður í Vallanesi er í formi hlaðborðs af grænmetisréttum.  Við samsetningu þess er árstíðin ráðandi í réttunum, við beinum sjónum að því sem vex hjá okkur hverju sinni og fylgjum takti náttúrunnar.  Við gætum þess að þar séu í boði heilkorn, ferskt hráefni, góðar olíur og prótein úr jurtaríkinu.  Úrval af súrkáli er alltaf á borðum.  Borðið er að mestu leyti vegan þó einhverjar undantekningar séu á því en spyrjið kokkinn til öryggis !  Allt er unnið á staðnum og frá grunni.

Verð pr mann á hlaðborði með öllu:  3.200 kr.

Súpa og brauð:  1.950 kr.

IS