Kóríander kjúklingur

200 g Bankabygg
250 g zucchini
1/2 grillaður kjúklingur, tættur niður í strimla
1/2 l grænmetiskraftur
1/2 laukur
1 hvítlauksgeiri
1 búnt ferskt kóríander
3 msk kóríanderpestó eða annað grænt pestó
1/2 glas þurrt hvítvín
2 msk jómfrúarólífuolía
20 g smjör
Salt og hvítur pipar

Leggið bankabyggið í bleyti í 6-8 tíma. Skolið zucchini og skerið í sneiðar (ef það er mjög stórt skerið þá sneiðar í tvennt). Saxið lauk smátt, hvítlauk og kóríanderlauf. Hitið olíuna og mýkið laukinn og kóríander í henni. Síið vatnið vel frá bankabygginu og bætið út á pönnuna og ristið ásamt grænmetinu í 3-4 mín. Hellið víni saman við og látið gufa upp. Smakkið til með saltinu. Hellið tveimur ausum af sjóðheitum kraftinum út á pönnuna og látið gufa upp á milli þess sem vökva er bætt í. Þegar byggottóið hefur kraumað í 10 mín. bætið þá zucchini og kjúklingi saman við og sjóðið áfram í ca.15 mín. Þegar byggið er soðið, bætið þá smjörklípu og pestóinu út á pönnu og blandið vel saman. Kryddið með hvítum pipar rétt áður en rétturinn er borin fram og skreytið með ferskum kóríanderlaufum.

- Back to products