Byggottó með súrkáli og reyk

3 msk Repjuolía frá Móður Jörð

2 dl Perlubygg frá Móður Jörð

1/2 dl hvítvín (eða safi úr sítrónu)

500ml grænmetissoð (1/2 msk af góðum krafti og vatn)

1 hvítlauksrif, saxað

1/2 laukur, saxaður

2 litlar litríkar íslenskar gulrætur, skornar í sneiðar

1 dl af súrkáli eða sýrðu grænkáli m/kúmen frá Móður Jörð

1 grein ferskt rósmarín, saxað

50 g reyktur ostur, skorinn í bita

Parmesan ostur, rifinn

Salt og pipar

Hitið olíuna í potti og steikið í lauk og hvítlauk, gulræturnar og og rósmarín í nokkrar mínútur.  Bætið bygginu útí og látið brúnast í 1-2 mín, hellið því næst hvítvíni útí og látið byggið sjúga það í sig.   Hellið því næst soðinu saman við, bætið út í reykta ostinum, blandið vel og látið nú malla við miðlungshita í 15-20 mínútur.  Hrærið í jafnt og þétt. Þegar byggið virðist soðið slökkvið þá undir, bætið og rifnum parmesan útí og hrærið, setjið lokið á og látið standa í 2-3 mínútur.  Smakkið til með nýmöluðum svörtum pipar og bætið við parmesan eftir smekk. Hrærið súrkálinu saman við áður en borið er fram.

Þetta byggottó er flott hráefni í forrétt t.d. hvítum fisksteikum eða hörpuskel.

- Back to products