Kartöflurnar eru soðnar og síðan maukaðar með ca. 2 dl af soðinu, (gott að gera það í matvinnsluvél eða með maukara). Laukur og hvítlaukur er saxaður fínt og mýktur í heitri olíu. Þessu er svo bætt í matvinnsluvélina ásamt mjólk eða soði þar til súpan er orðin hæfilega þunn (svona álíka þunn og súrmjólk). Súpan sett í pottinn og öllu kryddi og jurtum blandað saman við sem og smjörklípu fyrir þá sem það vilja. Súpan er síðan hituð upp og borin á borð. Gott er að strá yfir súpuna fersku eða þurrkuðu dilli eða hella yfir hana örlítilli hvílauksolíu, grænni ólífuolíu eða graskerskjarnaolíu.